Gjon Gjoni, është i lindur në fshatin Ukth (Pukë) më 20 shtator 1948. Arsimin fillor e ka. kryer në Dedaj dhe atë 7-vjeçar në Qelëz. Pas mbarimit të shkollës së mesme pedagogjike “Shejnaze Juka” në Shkodër, ka ushtruar profesionin e mësuesit në fshatrat Kryezi, Mardhnaq, Berishë, Qelëz. Në vitet 1973-1975 ka punuar në konviktin e shkollës së mesme të përgjithshme të qytetit të Pukës. Eshtë diplomuar në shkollën e lartë “V.I.Lenin” (filozofi), Tiranë më 1977. Ka studiuar për histori-gjeografi. Ka kryer kursin e gazetarisë në Tiranë dhe ka mbrojtur shkallë të larta kualifikimi. Ndër gjuhët e huaja zotëron italishten. Për shumë vite ka punuar në aparate adminis¬trative partiake e shtetërore. Pasioni i tij është gazetaria.

Që në vitin 1975 emrin e Gjonit e shikojmë në të gjitha organet e shtypit qendror. Për katër vite (1988-1991) ka qënë kryeredaktor i gazetës “Përpjekja”, organ i rrethit të Pukës. Në vitet e zhvillimeve të reja demokratike, krahas punës administrative në pushtetin lokal ka drejtuar gazetën “Puka” dhe “Besa”. Që nga viti 1988 është anëtar i Bashkimit të Gazetarëve të Shqipërisë. Përveç artikujve të shumtë publicistikë vitet e fundit ka botuar tri libra (monografi).

Talenti i tij është shfaqur edhe në fushën studimore-shkencore. Ai ka në botuar librin “Qelëza, vështrim historiko-etnografik”.
Për merita punë në fushën publicistike, nga Presidiumi i Kuvendit Popullor të Shqipërisë është dekoruar me medaljen “Naim Frashëri” (dekret nr. 6116, dt. 26.1.1980).

Nga Idriz Ahmetaj

Gjon Marash Gjoni ose Gjon Shuku, siç jemi mësuar ta thërresim, lindi në fshatin Ukth të Pukës më 20 shtator 1948.  Arsimin fillor e ka kryer në Dedaj dhe 7-vjeçar në Qelëz. Pas mbarimit të shkollës së mesme pedagogjike “Shejnaze luka” në Shkodër, ka ushtruar profesionin e mësuesit në fshatrat Kryezi, Mardhnaq, Berishë, Qelëz. Në vitet 1973-1975 ka punuar kujdestar në konviktin e shkollës së mesme të përgjithshme të qytetit të Pukës. Është diplomuar në ish-shkollën e PPSh, dega filozofi në Tiranë. Ka kryer kursin e gazetarisë dhe ka fituar shkallë të lartë kualifikimi. Për shumë vite ka punuar në aparate të administratës partiake dhe shtetërore. Pasioni i tij ishte gazetaria.

Që në vitin 1975 emrin e Gjon Gjonit e gjejmë në të gjitha organet e shtypit qendror të kohës, ku ka pasqyruar Jetën dhe veprimtarinë e rrethit të Pukës; për katër vite (1988-1991) ka qenë kryeredaktor i gazetës lokale të Pukës “Përpjekja”. Në viteve zhvillimeve demokratike, krahas punës administrative në pushtetin lokal, ka drejtuar gazetat “Puka” dhe “Besa”. Ka qenë anëtar i Bashkimit të Gazetarëve të Shqipërisë dhe i Degës së Lidhjes së Shkrimtarëve dhe Artistëve të rrethit të Pukës.

Për merita pune në fushën e publicistikës është dekoruar me medaljen “Naim Frashëri”. Një veprimtari të mirë ka Gjoni edhe në fushën e botimeve, sidomos të memoaristikës. Ka botuar librat:

1.”Udhërrëfyesit e dijes I”, (2005);
2 .”Modeli i një të riu shembullor” (monografi),(2005);
3. “Qelëza-vështrim historiko-etnografik”, me bashkautor Marash Kolajn, (2005);
4. “Tri nderet e Mirditës” (Tregime), me bashkautor Zef Gjetën, (2008).
Gjoni ka bashkëpunuar, redaktuar ose ka bërë parathënien e mjaft librave të autorëve pukjanë.

U nda nga jeta më 25 dhjetor 2009.