U përurua në Romë, në sallonin prestigjioz “Borromini”, në Bibliotekën Vallicelliana, ekspozita e pikturës me artistë të Mesdheut. U përfaqësuan 24 vende, ndër to dhe Shqipëria me piktorin Xhovalin Delia. Delia jeton dhe krijon prej vitesh në Firence. Është autor dhe i “God Bless America”, në qarkullim në librarit e vendit.
“Shprehje piktorike të artistëve mesdhetarë” organizohej nga “Universiteti Popullor Mesdhetar”, nën patronazhin e Ministrisë Italiane të Kulturës, të Rajonit të Lacios, të Provincës së Romës, të Komunës së Romës, të Rajonit të Kalabrisë, Provincës së Krotones, etj si dhe të gjitha ambasadave të vendeve të pjesëmarrës.
I pranishëm ishte dhe Ambasadori i Shqipërisë në Itali, Llesh Kola me ministrin këshilltar për kulturën Visar Zhiti.
Veprimtaria u çel nga senatori Maurizio Mesoraca, president i “Universitetit Popullor Mesdhetar”, i cila tha se institucioni që organizon këtë ekspozitë ndjehet i nderuar. “Mesdheu është histori, kulturë, natyrë, djepi i civilizimit Perëndimor dhe Mesdheu s’është vetëm e kaluar, por dhe e ardhme. Kjo veprimtari përbashkët nisi, ta çojmë më tej, qoftë dhe duke hapur këtë ekspozitë në secilin vend pjesëmarrës.”
Prof. Corrado Frateantonio, njëri nga organizatorët e kësaj veprimtarie, tha se “ne duam të lidhemi me realitetin artistikisht, duke krijuar realitete të miqësisë dhe bashkëveprimit.”
Shtypi për krijimtarine e Xh. Delise.
Më pas foli eseisti Paolo Gianisiracusa, duke gjetur të veçantën për secilin piktor. Shqiptari Xhovalin Delia, tha ai, është i lidhur me intimen dhe surealisten, zbulues i një procesi të ri. Kurse bashkatdhetari i tij Agim Muka ndërton figura monumentale, me vështrim të sigurtë.
Vepra të Xh. Delisë.
Muka, piktor që jeton në Milano është prezantuar vetëm në katalogun e ekspozitës, mes artistëve nga Algjeria, Bosnjë-Hercegovina, Qiproja, Turqia, Kroacia, Egjipti, Franca, Greqia, Izraeli, Italia, Palestina etj.
Libri paraprihej me disa krijime të shkrimtarëve të njohur si Tahar Ben Jelloun, Predrag Matvejeviç, Visar Zhiti, etj.
Ekspozita do të jetë hapur 3-17 shkurt.
Marrë nga gazeta Shekulli,dt.06.02.2010
Leave a Reply